الرئيسية
أحدث الصور
فراخ الكوكى
نشترى كيس فراخ كوكى من اى سوبر ماركت
نجيب صينية تيفال عشان الفراخ متلزقش فيها وتبوظ ويبقى نهار اسود على اللى بتطبخ عشان الفراخ باظت والصينيه بقت مرحومه
نرجع لموضوعنا نحط زيت فى الصينيه ثم نضع الكوكى قطعه قطعه
ولما تستوى ومحدش يقولى تستوى دى معناها ايه عشان انا نفسى معرفش احيانا بيبقى لونها بنى واحيانا بتسود ولو مش عارفه اصبرى لحد اما تطلع دخان
وبالهنا و الشفا
تانى طبخه
مكرونه بالصلصه الحمرا
نجيب كيس مكرونه ونحطه فى ميه ونحطها عالنار نسيبها لحد ما تتسلق ومحدش يقولى ازاى تتسلق عشان اكيد لما هتشوفيها عجنت واتفرفتت ميت حته هتعرفوا انها اتسلقت وكده بقت فل الفل كمان
نيجى بقه للصلصه ودى مهمه جدا نجيب حله ونحط فيها شوية زيت وعشر معالق صلصه اقولكوا حطوا البرطمان كله واخلصوا وشويه ملح وفلفل اسود وقلبوا لحد ما تتسبك وارجع واقول محدش يقولى يعنى ايه تتسبك عشان طبيعى لما تلاقى لون الصلصه اسودت تبقى كده اتسبكت وبعدين نحط كوباية ميه ونحط عليها المكرونه وهتبقى احلى عجه قصدى مكرونه
وبالهنا والشفا [/color]
الطبخه التالته
التونه
نجيب علبتين تونه مش علبه واحده بلاش بخل
ونفتحها بالفتاحه ونحطها فى طبق وشوية ملح وخل ونقلب
اهم حاجه التقليب بدل ما الطبخه تبوظ
وتقدم جنبيها عيش طبعا اوعوا تنسوا
